Down Town bim Italiener i de Snack Bar händ mir denn Zmittag gesse. :-) Sin Vater isch vor Johre usgwanderet zum i de Mine schaffe.
Er isch blibe und hed sis "Sammler"-Wohnzimmer zunere Snack Bar umgwandlet.
Während em esse hed er eus erklärt, dass do hinde praktisch nur Männer lebed wo i de Mine schaffed. Fraue verirret sich ganz selte do hindere (das isch eus definitiv ned entgange uf eusem "Stadt"-Rundgang). ;-)
Mir händ eigentli no meh wele gseh i dere Gegend, aber nach weiss ned wievielne km uf müehsamer Schotterpischte hed eus denn de Schnee de Weg versperrt, und es hed es interessants Wendemanöver gä. :-)
Benzin....? Die Tanksüle set wieder Mal abgstaubt werde!
E guete Morge oder e gueti Nacht? Mer schecke eu härzlichi Grüess ond wönsche eu witerhin e gueti Fahrt met vill tolle Erläbnis! Merci för euchi Bricht ond die interessante Fotis :-) ond natürlich för de prächtig Chartegruess us Alaska! Liebe Grüessli vo de Familie Obrist
AntwortenLöschen