Dawson City

Vom Top of the World uf Dawson City muess mer mit de Fähre übere Fluss.
Dawson isch es (touristischs) Goldgräber Städtli.
Im "Diamond Tooth Gerties Gambling Hall" (s'ältischte Casino vo Kanada) sind mir en Show go luege wie i de Zit vom wilde Weste. ;-)

Taylor / Top of the World

Wieder Mal über d'Grenze...sind jetzt in Kanada.
De Top of the World Highway hed sin Name wirkli verdient. Mer hed s'Gfühl mer chan d'Wolke berüehre und isch ufem Dach vo de Welt.

Chicken

Es cools "Dörfli" mit 17-37 Iwohner im Nirgendwo.
Das Hus mit "Town of Chicken" isch übrigens Down Town und s'ganze Dorf i eim. ;-)

Kennicott

7 km vo McCarthy isch die verlassni Kennicott Kupfermine.
De Dreckberg wo mir no gfötelet händ, isch denn übrigens de Gletscher. ;-)

McCarthy

Am Fluss isch denn für de Bruce entgültig d'Stross fertig gsi und mir händ z'Fuess müesse id Bar vo McCarthy. :-)
Zum erschte Mal i eusere Plumpsklo-Gschicht händ mir en Schnur gha zum dra zieh, wo en Falle i de Tür göffnet hed zum luege ob en Bär dusse wartet. ;-)

Wrangell - Saint Elias National Park

Da mir in Valdez ned so viel Zit verbrocht händ wie erwartet, händ mir churzerhand entschlosse i de NP z'go.
Es isch die bescht Entscheidig gsi. :-)
I de riesig Park, wo grösser isch als d'Schwiz (CH = 41'285 km2, Park = 53'321 km2) füehred nur 2 Strosse.
Vo Chitina her sinds 60 Meile Schotterpischte (ca. 97 km) bis zu de Brugg vo McCarthy. Für die Strecki händ mir 3,5 Stund brucht...Schlaglöcher lassen grüssen. ;-)