North Pole

Jo, mir sind nonig so in Wiehnachtsstimmig, sind aber glich no de Santa Claus go bsueche.
Chind chönd ihri Wunschzettel do ufe schicke zum richtige Samichlaus. ;-)
I sim Büro heds einigi Wunschzettel ufghänkt gha.
Es hed recht nachdänklich gmacht, wieviel Chind sich Computerspiel wünsched und zmizt drin es Chind wo sich sin Papi usem Krieg zrug wünscht.

Delta Junction

Det endet de Alaska Highway nach 1422 Meile (ca. 2288 km). En chline Teil vo eusere Reis, aber wunderschöni 2288 km. :-)

Alaska

Da de Dempster Highway no gschlosse isch, händ mir eus entschiede, zersch uf Alaska z'go.
De Noah hed eus scho in Kanada mit sinere KTM überholt, de händ mir ihn wieder troffe bim Tanke und am Obig ufem Camping.
Campingplätz in Tok sind aber z'tür gsi, drum sind mir zäme mitem Noah witer gfahre.
Nach ca. 15 min. händ mir es wunderschöns Plätzli gfunde am Moon Lake. Jetzt sind mir i de Wärmi und de Mitternachtssunne acho. :-)
De Noah hed sin Job kündet und reist jetzt für 2 Johr i de Weltgschicht umenand.

Kluane Nationalpark

Vo Whitehorse nach Beaver Creek entlang em Kluane NP:
Letschti Wanderig im Schnee (hoffentlich).
;-)