Sled Dog Kennels

Bim Parkusgang vom Denali sind mir no d'Schlittehünd go aluege.
Da d'Schneemobil sich für gwüssi Sache ned bewährt händ, mached d'Ranger im Winter amigs ihri Toure dur de Park no mit de Hünd.

Denali

I de Nationalpark dörf mer nur mitem Bus ine.
Bis d'Stross nüm witer goht, hockt mer hi und zrug ca. 11 Stund im Bus.
Da mir ca. 1 Stund vom Parkigang im Park inne am campe gsi sind und nur en 3-Tagespass möglich gsi isch, händ mir die Tour 2x gmacht....es hed sich glohnt!!!
Im Info-Center händ mir de Grizzly no dusse gfötelet, bis er denn hed wele mit eus ine cho. Händ denn Türe churz vor sinere Nase no chöne zuemache.
Für en Moment sind mir det igschlosse gsi, bis er sich wieder sine Grashälmli gwidmet hed.
Da s'Wetter ned so guet gsi isch, händ mir nur en churze Blick uf de Gipfel vom Mt. McKinley (6194 m) gha.