Winnie Pooh und Balu

Über 100 Mile House, Williams Lake bis uf Quesnel. Det sind mir uf de 26er abboge Richtig Barkerville. Plötzli händ mir am Strosserand euse erscht Bär entdeckt. Bis mir allerdings Kamera parat gha händ isch de scho unterem Haag dure. Mir sind de usgstige und händ glich no paar Föteli chöne mache, bis er hässig wurde isch und mir zrug is Auto händ müesse flüchte. ;-) Kei 5 min. spöter isch scho de nächst am grase gsi. Das Mal ohni Haag....
In Barkerville acho sind mir go historische Städtli aluege. Eigentli macheds ersch am 17. Mai uf, aber mir sind glich go luege. Gratis und ersch no mit privatem Führer. De Barky uf 4 Pfote hed eus die ganz Tour dure begleitet und hed immer geduldig gwartet bi eusne Picture-Stops. Am Schluss hed er eus no zum Auto begleitet. Wo er aber euses Nummereschild vo Alaska gseh hed, hed er sich entschide zum det blibe, seig doch chli wärmer obwohls hüt gschneit hed. ;-)

Wieder ufem Festland

Um Mitternacht sind mir denn endli bi strömendem Rege ufem Camping acho. Natürli isch niemer meh det gsi, drum händ mir euses Plätzli selber gsuecht direkt am See.
Am nächste Tag händ mir en Touri-Bsuech gmacht in Whistler. Leider heds immerno gregnet und hed recht Nebel gha, drum sind mir ned ufen Berg ufe. :-(
Nachere rechte Strecki sind mir denn ufem nächste Camping direkt am See acho, im Marble Creek Provincial Park.