Bi allne heds gheisse es seig möglich, aber mir müessed a allne 3 Tankstelle Benzin uffülle wels suscht ned bis ufe längt.
In Fort Liard händ mir zum erschte Mal uftankt, denn isches uf Schotterpiste witer gange. :-)
A de Krüzig zum Mackenzie Highway sind mir denn abboge zu Fort Simpson zum tanke, wie eus die andere gseid händ.
Plötzlich sind mir amene grosse Fluss (Mackenzie River) gstande, d'Fähre uf de andere Site gstrandet.
Die Trucker wo grad spektakulär ihre Camion abglade händ, händ eus Diesel abote. Leider hed de Bruce ned gern Diesel. :-(
Sie händ eus de gseid, mir choiged zum Wayne und de Lynn i de Hoffnig dass die Benzin händ.
Also sind mir wieder füre gfahre ad Krüzig. De Wayne isch grad am Hockey luege gsi CH-CAN.
Mir händ euses Benzin zum Glück übercho. De Wayne hed eus erklärt, dass das no oft vor chunt, dass er muess ushelfe.
Die nächsti Tankstell seig nämli au zue und Fähri vo Fort Providence seig au nonig im Wasser.
Somit händ mirs chöne vergesse uf Yellowknife ufe z'go. (Beat, mir händs versuecht!)
Mitem letschte Tropfe händ mirs de doch no gschafft uf Hay River a die einzig Tankstell wit und breit. Jaaaa do hätted au 2 bis 3 Ersatzkanister ned glängt.
Nach über 1000 km (500 devo uf Schotterpiste) und 14 Stunde fahre händ mir de kei grossi Asprüch meh gha ufes schöns Camping-Plätzli. Resultat = Kiesgrueb ;-)
Salutations à Boncourt, à partir de Juillet j'aimerais bien décharger les camions avec l'hélicoptère. ;-)
