Kennicott

7 km vo McCarthy isch die verlassni Kennicott Kupfermine.
De Dreckberg wo mir no gfötelet händ, isch denn übrigens de Gletscher. ;-)

McCarthy

Am Fluss isch denn für de Bruce entgültig d'Stross fertig gsi und mir händ z'Fuess müesse id Bar vo McCarthy. :-)
Zum erschte Mal i eusere Plumpsklo-Gschicht händ mir en Schnur gha zum dra zieh, wo en Falle i de Tür göffnet hed zum luege ob en Bär dusse wartet. ;-)

Wrangell - Saint Elias National Park

Da mir in Valdez ned so viel Zit verbrocht händ wie erwartet, händ mir churzerhand entschlosse i de NP z'go.
Es isch die bescht Entscheidig gsi. :-)
I de riesig Park, wo grösser isch als d'Schwiz (CH = 41'285 km2, Park = 53'321 km2) füehred nur 2 Strosse.
Vo Chitina her sinds 60 Meile Schotterpischte (ca. 97 km) bis zu de Brugg vo McCarthy. Für die Strecki händ mir 3,5 Stund brucht...Schlaglöcher lassen grüssen. ;-)

Valdez

Sie säged dem "little Switzerland". De Weg det ane isch sehr schön gsi, aber Valdez selber isch ned so de Hammer gsi. Nachem Mexikaner händ mir eus wieder uf de Weg gmacht.
1989 sind det usem Öltanker "Exxon Valdez" 42 mio. Liter Öl is Meer gloffe. :-(

Dog Sled

Es hed zwar nüm so viel Schnee, dass mir hätted chöne de Schlitte neh, aber mir händ eus glich vo 13 Hünd dur de Wald lo zieh. Zmizt im Wald sind d'Hünd plötzli imene Haas nohgsecklet anstatt ufem Weg z'blibe. Zum Glück hed s'Wägeli en Notbrems gha. ;-)
Bim ehemalige YUKON-Quest und Iditarod Champion werded Hünd züchtet und usbildet für die nächschte Renne.
S'Iditarod goht über 1850 km durch d'Wildnis vo Alaska.
Uf dere Station sind durchschnittlich 150 Hünd. Unglaublich wie die tüend wenns drum goht wer dass vore Schlitte dörf.