Commentaires ;-)

Un grand merci pour vos commentaires, nous avons beaucoup de plaisir à lire quelque chose de vous. :-)

Tofino

Nach ere lange Fahrt sind mir wieder im Regewald acho. Mir händ en Camping gfunde direkt am Meer in Tofino.
Es isch recht chalt gsi und Duschi am Morge ersch recht.
Aber mir sind genau zur richtige Zit do. No kei Touriste und überall heds no Plätz frei und parke chönd mir au überall mitem Bruce, wos im Summer ned möglich wär. :-)
Nach de chalte Duschi sind mir miteme chline Böötli ufs wellige Meer use gfahre, da mir nonig gnueg Wal gseh händ.
Au das Mal heds Poseidon guet gmeint mit eus und mir händ dörfe diversi Grauwal beobachte. Uf dere Tour händ mir au Robbe, Seeläue und Wisskopfadler gseh. Es isch es reins Naturparadis do in Tofino.
Ufem Rückweg händ mir no de "Cathedral Grove Trail" gmacht und sind no zu de "Little Qualicum Falls".
Jetzt warted mir in Nanaimo uf eusi Fähre wo eus wieder ufs Festland bringt nach "Horseshoe Bay".
PS: Merci vielmal für Euchi Kommentär, mir freued eus immer riesig öpis vo Euch z'lese :-)

Orcas

In Victoria händ mir eus en Traum erfüllt...
Obwohl d'Chance nur bi 60% gstande sind, händ mir eus trotzdem fürs whale watching entschiede.
Nach ere ziemlich frische Fahrt, händ mir scho die erschte Rückeflosse entdeckt. :-) bi dene 2 isches aber ned blibe. Mir händ ca. 15 Orcas gseh, drunder au Gruppe mit Junge, wo eus en spektakuläri Show bote händ. De Guide hed eus verzellt, dass Sprüng eher selte vor chömed, mir händ grad 4 devo gseh. :-)
Es isch de absoluti bööörner gsi.

Victoria / Butchart Gardens

Nach 90 Min. sind mir mit de Fähre vo Port Angeles USA wieder uf kanadischem Bode, in Victoria acho.
Nach enere Stadtbesichtigung und viele Schnappschüss händ mir "The old Spaghetti Factory" wieder gfunde. ;-)
Übernachtet händ mir ufeme überdimensionale Campingplatz. Die Riese-Trailer händ euse Bruce grad chli lo usgseh.
Am nächste Tag sind mir id Butchart Gardens und sind überwältigt gsi.

Twilight ;-)

Churz nachdem mir Seattle ufem Highway verlo händ Richtig Westküste, sind mir scho bald alei uf de Stross gsi...on the road again.
Mir sind lang dur Regewald gfahre, überall Moos uf de Bäum.
Plötzlich sind mir im Städtli "Forks". Ersch nach diverse Vampir-Schilder händ mir realisiert, dass mir i DEM Forks sind vo de Bella. Sogar ihre Truck händ mir gfunde ;-)
Mir sind denn nach Forks in tüfe, dunkle Vampirwald und händ det eusi erscht Nacht im Bruce verbrocht. ;-) Am Morge unter de warme Decki füre kroche, isches seeeehr chalt gsi. Brrrr! Jetzt sind mir in Port Angeles und warted uf Fähri wo eus nach Victoria bringt.

Bruce....

D'Camperübernahm hed ufem Hotelparkplatz stattgfunde. Mir händ eus jo eigentli en Dodge Ram gwünscht...hed aber leider nur für en Ford Super Duty glängt. ;-) vo de Firma her isch s'Auto "Leah" tauft worde. Da aber i eusere Vorstelligskraft kei wiblichi Auto existiered usserem Fiat 500 und em Smart, händ mir d'Leah churzerhand umtauft... BRUCE. ;-) De Bruce isch no sehr jung, er hed ersch 13'000 Meile ufem Bugel. Für sis junge Alter isch er aber en rechte Süffel.

Kommentare

Für alli wo scho erfolglos versuecht händ eus öpis z'schribe...es seti jetzt funktioniere. Eifach ganz unte "Anonym" uswähle. :-)

Seattle

Mir sind sehr überrascht gsi, dass mir scho in Kanada händ dörfe eusi Fingerabdrückli hinterlo für d'Ireis id USA. No überraschter sind mir gsi, dass mir Grenze imene 50-Plätzer Propellerflügerli überfloge händ. In Seattle acho, händ mir eus ned chöne entscheide zwüschere Stadtrundfahrt und enere Bootstour, drum händ mir s'Amphibiefahrzüg "The Duck" gno, und händ so ganz eifach beides gmacht. Vom Wasser zrug, direkt uf "Space Needle". Hüt Morge sind mir no d'University of Washington go aluege, leider händs eus ned wele bhalte, drum sind mir zrug id Stadt. Eusi 2 Täg Seattle händ mir mitere legendäre shopping-tour im Macy's abgschlosse. ;-)

Vancouver

Nach 13 Stund Flug sind mir guet in Vancouver acho. Am Morge früeh use und mitem Skytrain id Stadt. Als erschts grad in guete alte Tim Hortons go Kafi trinke und Donuts esse. ;-) Nacher zu Steamclock, witer en Stadt-tour und ufe Harbour Centre Tower go d'Ussicht gnüsse. Mitem Bus simer zu de Capilano suspension bridge. Isch recht cool gsi wel mir ned erwartet händ, dass die wirkli so wacklet. ;-) Zrug i de Stadt heds Zmittag gä i de "old spaghetti factory". Frisch gstärkt händ mir es Tandem gmietet und sind im Stanley Park umekurvt. Während emene picture stop isch eus sogar en Seehund vor de Linse duregschwumme. Morn müend mir am Morge früeh an Flughafe für uf Seattle. :-)

Ready to take off :-)

Gli gohts los....juhuuuuuu