Prince George - Prince Rupert

Prince George isch de Hammer gsi. Mir händ so viel netti Begegnige gha. Am Lagerfür händ mir de Adam, Jim und sini Frau Jacquelin kenneglehrt. Mitem Bierli i de Hand händ mir im Jim sini Lieder gnosse wo er uf de Mundharmonika gspielt hed.
Am nächste Tag sind mir bim Daniel zum Kafi iglade gsi. Er hed am Chuchi Lake en Lodge und hed eus so intressanti Gschichte verzellt. Mir hätted no stundelang chöne zuelose. Leider heds am Chuchi Lake no zviel Schnee gha, drum händ mir ned chöne det use. Sini Homepage: www.kanada-abenteuer.ch Danke viel Mal Daniel, es hed eus mega gfreut Dich kenne z'lehre und nächst Mal gönd mir an Chuchi Lake use. ;-)
Fred, danke viel Mal für de Tip.
De sind mir witer Richtig Prince Rupert. In Smithers händ mir no en Wanderig gmacht. Für 4 km händ mir 2 Stund brucht. Es hed no so viel Schnee gha, dass mir bis zu de Chnü igsunke sind.
Mir händ wieder es Plätzli gfunde direkt am See zum übernachte.
Sind jetzt no in Prince Rupert und gönd de wieder Richtig Norde ufem Cassiar-Stewart Highway.