Es isch recht chalt gsi und Duschi am Morge ersch recht.
Aber mir sind genau zur richtige Zit do. No kei Touriste und überall heds no Plätz frei und parke chönd mir au überall mitem Bruce, wos im Summer ned möglich wär. :-)
Nach de chalte Duschi sind mir miteme chline Böötli ufs wellige Meer use gfahre, da mir nonig gnueg Wal gseh händ.
Au das Mal heds Poseidon guet gmeint mit eus und mir händ dörfe diversi Grauwal beobachte. Uf dere Tour händ mir au Robbe, Seeläue und Wisskopfadler gseh. Es isch es reins Naturparadis do in Tofino.
Ufem Rückweg händ mir no de "Cathedral Grove Trail" gmacht und sind no zu de "Little Qualicum Falls".
Jetzt warted mir in Nanaimo uf eusi Fähre wo eus wieder ufs Festland bringt nach "Horseshoe Bay".
PS: Merci vielmal für Euchi Kommentär, mir freued eus immer riesig öpis vo Euch z'lese :-)
Hoi Nicole, das chunt mir doch sehr bekannt vor. Mir sind mit üsem Okanegan (Ford Camper) au vom Horeshoe Bay nach Nanaimo gfahre, wo mir no kurzentschlosse nach Tofino hend wellä. Cooli Föteli hend er gmacht. Freu mi scho uf die nöchste, liese eure Blog immer sehr gspannt mit.
AntwortenLöschenWow, das Bild mitäm bemoostä Baum esch der Burner, han mi gad verliebt. Machid wiiter so, es esch so schön vo eu z'läse und na viel cooler asers gad mit Föteli chönt unterstriichä ;-)
AntwortenLöschen